జూరాల ఆయకట్టు రైతులు అధైర్యపడొద్దు.. ఒక్క ఎకరం పంట కూడా ఎండిపోకుండా చర్యలు

📰 Generate e-Paper Clip

కర్ణాటక బయలుదేరనున్న మంత్రులు, ఎమ్మెల్యేల బృందంపొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 తెలుగు న్యూస్ తెలంగాణ రాష్ట్ర బ్యూరో బాజ శేఖర్ సెప్టెంబర్ 22 2026: జూరాల ప్రాజెక్టు ఆయకట్టు కింద సాగు చేస్తున్న రైతులు ఎలాంటి ఆందోళన చెందాల్సిన అవసరం లేదని, ఒక్క ఎకరం భూమి కూడా ఎండిపోకుండా ప్రభుత్వం అవసరమైన అన్ని చర్యలు తీసుకుంటుందని వనపర్తి శాసనసభ్యులు తూడి మేఘారెడ్డి తెలిపారు. ప్రస్తుత పంటలకు సాగునీరు అందించడంపై ప్రభుత్వం ప్రత్యేక దృష్టి సారించిందని ఎమ్మెల్యే పేర్కొన్నారు. ఈ అంశంపై రాష్ట్ర ఇరిగేషన్‌ మంత్రి ఎన్‌. ఉత్తమ్‌కుమార్‌రెడ్డి ఇప్పటికే కర్ణాటక ముఖ్యమంత్రి డీకే శివకుమార్‌ కు లేఖ రాసి, తెలంగాణలోని జూరాల, భీమా, నెట్టెంపాడు, మహాత్మా గాంధీ కల్వకుర్తి లిఫ్ట్‌ ఇరిగేషన్‌ పథకాల పరిధిలోని పంటలను కాపాడేందుకు రోజుకు 5,000 క్యూసెక్కుల చొప్పున 15 రోజుల పాటు కృష్ణా నీటిని నియంత్రితంగా విడుదల చేయాలని కోరినట్లు ఎమ్మెల్యే తెలిపారు. ఈ నాలుగు సాగునీటి పథకాల ద్వారా తెలంగాణలో సుమారు 4 లక్షల ఎకరాల ఆయకట్టు కృష్ణా జలాలపై ఆధారపడి ఉందని మంత్రి తన లేఖలో పేర్కొన్నారు. ప్రస్తుతం పంటలకు కీలకమైన దశ కావడంతో సకాలంలో నీరు అందించడం అత్యంత అవసరమని, అందుబాటులో ఉన్న నీటిని సమర్థంగా వినియోగించేందుకు చర్యలు తీసుకుంటున్నట్లు వెల్లడించారు. అదే సమయంలో జిల్లా మంత్రులు, ఎమ్మెల్యేలతో కలిసి కర్ణాటక ముఖ్యమంత్రిని కలిసి తెలంగాణ రైతుల సాగునీటి అవసరాలను వివరించేందుకు చర్యలు చేపడుతున్నామని ఎమ్మెల్యే తెలిపారు.

కర్ణాటక బయలుదేరనున్న మంత్రులు ఎమ్మెల్యేల బృందం

సాగునీటి విడుదలపై కర్ణాటక ముఖ్యమంత్రి డీకే శివకుమార్ ను కలిసేందుకు తెలంగాణ రాష్ట్ర మంత్రులు జూపల్లి కృష్ణారావు, వాకిటి శ్రీహరి, ఎమ్మెల్యే లు మేఘారెడ్డి, మధుసూదన్ రెడ్డి, బండ్ల కృష్ణమోహన్ రెడ్డి ల బృందం మంగళవారం రోజు హైదరాబాద్ నుంచి సాయంత్రం 5 గంటలకు బయలుదేరి రాత్రి 8 గంటలకు కర్ణాటక ముఖ్యమంత్రితో ప్రత్యేకంగా సమావేశం కానున్నట్లు ఎమ్మెల్యే తెలిపారు. దీంతో సాగునీటి సమస్య పరిష్కారానికి రాత్రి లేదా రేపు పొద్దున నువ్వు అన్నదాతలందరికి శుభవార్త అందనిందని ఎమ్మెల్యే పేర్కొన్నారు. “రైతులు ఎలాంటి అధైర్యానికి గురికావద్దు. పంటలు చేతికొచ్చే వరకు ప్రభుత్వం అందుబాటులో ఉన్న అన్ని మార్గాల్లో సాగునీటిని సమకూర్చేందుకు కృషి చేస్తోందనీ జూరాల ఆయకట్టు కింద ఒక్క ఎకరం కూడా ఎండిపోకుండా చూడటమే ప్రభుత్వ మా ప్రధాన లక్ష్యం” అని ఎమ్మెల్యే తూడి మేఘారెడ్డి తెలిపారు.