మద్దిగట్ల గ్రామ అభివృద్ధిలో మరో ముందడుగు

విద్యుత్ సమస్యల పరిష్కారానికి రెండు 25 కేవీఏ ట్రాన్స్‌ఫార్మర్ల ఏర్పాటుపొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో సెప్టెంబర్ 15 2026: పెద్దమందడి మండలం, మద్దిగట్ల గ్రామ ప్రజల విద్యుత్ అవసరాలను తీర్చడంతో పాటు వోల్టేజ్ సమస్యలను తగ్గించే దిశగా మద్దిగట్ల గ్రామంలో మరో అభివృద్ధి కార్యక్రమం చేపట్టారు. గ్రామ సర్పంచ్ రాములు యాదవ్ ఆధ్వర్యంలో గ్రామంలో 25 కేవీఏ సామర్థ్యం కలిగిన రెండు విద్యుత్ ట్రాన్స్‌ఫార్మర్లను ఏర్పాటు చేశారు. గ్రామంలో విద్యుత్ సరఫరాకు సంబంధించిన సమస్యలను పరిష్కరించేందుకు, ప్రజలకు మెరుగైన విద్యుత్ సేవలు అందించేందుకు ఈ చర్యలు చేపట్టినట్లు తెలిపారు. దీంతో స్థానికంగా విద్యుత్ సరఫరా మరింత మెరుగుపడటంతో పాటు వోల్టేజ్ సమస్యలు కొంతవరకు తగ్గే అవకాశం ఉందని గ్రామస్థులు ఆశాభావం వ్యక్తం చేస్తున్నారు. ఇదే క్రమంలో త్వరలో మరో రెండు 25 కేవీఏ ట్రాన్స్‌ఫార్మర్లను కూడా ఏర్పాటు చేయనున్నట్లు గ్రామ నాయకత్వం వెల్లడించింది. గ్రామ ప్రజల అవసరాలకు అనుగుణంగా మౌలిక వసతుల అభివృద్ధికి ప్రాధాన్యత ఇస్తూ మరిన్ని కార్యక్రమాలను కొనసాగిస్తామని తెలిపారు. “ప్రజల అవసరమే ప్రాధాన్యత – గ్రామ అభివృద్ధే లక్ష్యం” అనే నినాదంతో మద్దిగట్ల గ్రామ అభివృద్ధికి నిరంతరం కృషి చేస్తున్నట్లు పేర్కొన్నారు.