హర్షవర్ధన్ రెడ్డి కుటుంబానికి చిన్నారెడ్డి పరామర్శ

లక్ష్మారెడ్డి చిత్రపటానికి పూలమాల వేసి నివాళులు.. కుటుంబ సభ్యులకు మనోధైర్యం

పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్తెలంగాణ రాష్ట్ర బ్యూరో బాజ శేఖర్ సెప్టెంబర్ 24 2026: కొల్లాపూర్ మాజీ ఎమ్మెల్యే భీరం హర్షవర్ధన్ రెడ్డి తండ్రి దివంగత భీరం లక్ష్మారెడ్డి మృతి పట్ల మాజీ మంత్రి డాక్టర్ జిల్లెల చిన్నారెడ్డి తీవ్ర సంతాపం వ్యక్తం చేశారు. హర్షవర్ధన్ రెడ్డి నివాసానికి వెళ్లిన చిన్నారెడ్డి, లక్ష్మారెడ్డి చిత్రపటానికి పూలమాల వేసి ఘనంగా నివాళులర్పించారు. అనంతరం హర్షవర్ధన్ రెడ్డి, ఆయన కుటుంబ సభ్యులను పరామర్శించి తన ప్రగాఢ సానుభూతిని తెలిపారు. లక్ష్మారెడ్డి మృతి కుటుంబానికి తీరని లోటని చిన్నారెడ్డి పేర్కొన్నారు. ఆయన లేని లోటును పూడ్చలేనప్పటికీ, కుటుంబ సభ్యులు ధైర్యంగా ఉండాలని సూచించారు. ఈ విషాద సమయంలో కుటుంబ సభ్యులకు తాను అండగా ఉంటానని మనోధైర్యం కల్పించారు. లక్ష్మారెడ్డి ఆత్మకు శాంతి చేకూరాలని ప్రార్థించారు. కుటుంబ సభ్యులు ధైర్యంగా ఉండాలని, దుఃఖాన్ని అధిగమించే శక్తిని ఆ భగవంతుడు ప్రసాదించాలని ఆకాంక్షించారు. ఈ సందర్భంగా దివంగత లక్ష్మారెడ్డి సేవలను, కుటుంబంతో ఆయనకు ఉన్న అనుబంధాన్ని పలువురు స్మరించుకున్నారు. ఈ కార్యక్రమంలో తెలంగాణ ప్రదేశ్ కాంగ్రెస్ కమిటీ రాజీవ్ గాంధీ పంచాయతీరాజ్ సంఘటన్ అధ్యక్షులు రాజేంద్రప్రసాద్ యాదవ్ పాల్గొన్నారు. వనపర్తి సీనియర్ నాయకులు ఎంట్ల రవి, కుటుంబ సభ్యులు, బంధుమిత్రులు తదితరులు పాల్గొని లక్ష్మారెడ్డికి నివాళులర్పించారు.