*సెలవా ప్రజల ప్రాణాలతో చెలగాటమా*.
8 ఆగస్టు 2026 . ఎన్ వి ఆర్ టీవీ తెలుగు పొలిటికల్ పవర్ తెలంగాణ, ఆంధ్రప్రదేశ్ స్టేట్స్ ఇంచార్జ్ ఆలస్యం విరన్ .*ఆళ్లపల్లి*:
సమాచారం అందుకున్న సమాచార హక్కు సంరక్షణ సమితి ఉమ్మడి ఖమ్మం జిల్లా ప్రెసిడెంట్ ఆలస్యం విరన్ అక్కడ జరుగుతున్న విషయం తెలుసుకొని అక్కడికి వెళ్లి చూడగా ఉదయం 11 గంటలకు వైద్యం కోసం వచ్చిన పేద రోగులు మధ్యాహ్నం 2 గంటలైనా ఇంకా బెంచీలపై కూర్చుని ఉన్నారు. కారణం – ఆసుపత్రిలో *మెడికల్ ఆఫీసర్ అందుబాటులో లేకపోవడం*.
రోగులు అడిగితే “ఈరోజు సెలవు పెట్టారు” అని సిబ్బంది చేతులు ఎత్తేశారు. ప్రత్యామ్నాయ డాక్టర్ ఏర్పాటు లేదు. జ్వరం, డయేరియా, బిపి తో వచ్చిన వృద్ధులు, చిన్న పిల్లల తల్లులు గంటల తరబడి నిరీక్షించారు.
ప్రభుత్వ ఆసుపత్రి అంటే పేదలకు ఆశ. కానీ డాక్టర్ లేకుండా ఆ ఆశ కూడా ఆవిరైపోతుంది. అత్యవసర సమయంలో డాక్టర్ లేకపోతే రోగి ప్రాణాలకు ఎవరు బాధ్యత వహిస్తారు?
సంబంధిత అధికారులు వెంటనే స్పందించి, డాక్టర్ గైర్హాజరుకు కారణం ఏంటి? ప్రత్యామ్నాయ ఏర్పాటు ఎందుకు లేదు? అని విచారణ జరపాలని సమాచార హక్కు సంరక్షణ సమితి డిమాండ్ చేస్తున్నారు.
* *”సెలవా? ప్రజల ప్రాణాలతో చెలగాటమా?”*
ప్రభుత్వ ఉద్యోగికి సెలవు హక్కు ఉంది. కానీ ప్రభుత్వ ఆసుపత్రి డాక్టర్ కు సెలవు అంటే వందల మంది రోగులకు మరణశాసనం.
ఆళ్లపల్లి పీహెచ్సీ లో ఈరోజు జరిగిందే అది. ఉదయం 11 నుంచి వైద్యం కోసం వచ్చిన పేషెంట్లు, మధ్యాహ్నం దాటినా “డాక్టర్ లేరు” అనే సమాధానమే.
ఇది ఒకరోజు సమస్య కాదు. ప్రతి సారి డాక్టర్ సెలవు పెడితే, బదులుగా మరొకరు ఉండరా? టెలిమెడిసిన్ ఏర్పాటు లేదా?
ప్రభుత్వం కోట్లు ఖర్చు చేసి మందులు, మిషన్లు ఇస్తుంది. కానీ కీలకమైన డాక్టర్ కుర్చీ ఖాళీగా ఉంటే ఆ మొత్తం వ్యవస్థ దండగ కాదా?
*అందుబాటులో ఉండవలసిన స్టాఫ్ నర్స్ సునీత కు పక్కనే క్వార్టర్స్ ఇచ్చినా కూడా అందుబాటులో ఉండే పరిస్థితి లేదు వచ్చిన రోగులను పట్టించుకునేది ఎవరు*. *రోగులు అడిగితే సిబ్బంది మాత్రం ఇప్పుడే ఇంటికి వెళ్ళింది ఒక పది నిమిషాల్లో వస్తుంది అని చెప్పి గంటల తరబడి కూర్చొని విసుకుతో వెళ్లిపోయిన పేషెంట్లు*
DM&HO, జిల్లా కలెక్టర్ వెంటనే ఆళ్లపల్లి ఆసుపత్రిని సందర్శించి, బయోమెట్రిక్ హాజరు, సెలవు రిజిస్టర్ తనిఖీ చేసి బాధ్యులపై చర్య తీసుకోవాలి.
*ఆళ్లపల్లి ప్రభుత్వ ఆసుపత్రిలో నిర్లక్ష్యం*
1. *సమయం*: ఉదయం 11 గంటల నుండి రోగులు వేచి ఉన్నారు
2. *సమస్య*: మెడికల్ ఆఫీసర్ డ్యూటీకి రాలేదు. “సెలవు” అని సమాధానం
3. *ప్రభావం*: వందలాది మంది పేద రోగులు వైద్యం లేక ఇబ్బంది
4. *డిమాండ్*: వెంటనే ప్రత్యామ్నాయ డాక్టర్ నియామకం, బాధ్యులపై చర్య తీసుకోవాలని ఇక్కడికి వచ్చిన పేషెంట్లు మాట్లాడుతున్నారు.