నిజామాబాద్ జిల్లా రుద్రూర్ మండలం పొలిటికల్ పవర్ ప్రతినిధి: అడప మనోహర్. 26 సెప్టెంబర్ 2026.
రుద్రూర్ మండల కేంద్రంలోని రజక సంఘం ఆధ్వర్యంలో శనివారం రజక సంఘంలో చాకలి ఐలమ్మ జయంతిని ఘనంగా జరుపుకున్నారు. ఆమె చిత్రపటానికి పూలమాలలు వేసి నివాళులు అర్పించారు.
మండల అధ్యక్షులు బందెల శేఖర్ మాట్లాడుతూ… తెలంగాణ పోరాటంలో తెలంగాణ తొలి సాయుధ పోరాట యోధురాలు, స్వేచ్ఛ, సమానత్వం, పేదల హక్కుల కోసం, భూమి కోసం, భుక్తి కోసం, వెట్టి చాకిరి విముక్తి కోసం అహర్నిశలు పోరాడిన తెలంగాణ వీరనారి చాకలి ఐలమ్మ అని, ఆమె జీవితం మనందరికీ స్ఫూర్తిదాయకమని ఈ సందర్భంగా ఆమెను కొనియాడారు.
ఈ కార్యక్రమంలో రజక సంఘం మండల అధ్యక్షులు బందెల శేఖర్, ఈరపురం సాయిలు, జనగరి నర్సింలు, జయరాం, సాయిలు, రాజు మరియు బిఆర్ఎస్ నాయకులు గాండ్ల మధు, కొత్తపల్లి రవి కిరణ్, డౌర్ సాయిలు, పార్వతి ప్రవీణ్ మరియు రజక సంఘం సభ్యులు, తదితరులు పాల్గొన్నారు.