ఎఫ్‌ఏసీ బాధ్యతలు అప్పగిస్తూ నియామకం.. మండల ప్రజా పరిషత్ కార్యాలయంలో బాధ్యతలు చేపట్టిన అధికారి
పొలిటికల్ పవర్, టేకులపల్లి: భద్రాద్రి కొత్తగూడెం జిల్లా టేకులపల్లి మండల పంచాయతీ అధికారిగా (ఎంపీవో) దండ్యాల రామారావును పూర్తి అదనపు బాధ్యతలతో (ఎఫ్‌ఏసీ) నియమించారు. ఈ మేరకు గురువారం టేకులపల్లి మండల ప్రజా పరిషత్ కార్యాలయంలో ఆయన బాధ్యతలు స్వీకరించారు.
మండల పరిధిలో గ్రామ పంచాయతీల పరిపాలన, అభివృద్ధి కార్యక్రమాలు, పారిశుధ్యం, గ్రామాల్లో మౌలిక సదుపాయాల కల్పన వంటి అంశాల్లో సమన్వయంతో పనిచేయాల్సిన బాధ్యత ఎంపీవోపై ఉంటుంది. ఈ నేపథ్యంలో ప్రభుత్వ మార్గదర్శకాలకు అనుగుణంగా పంచాయతీల అభివృద్ధి, పరిపాలనా వ్యవహారాల నిర్వహణకు ప్రాధాన్యత ఇవ్వనున్నారు.