పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ నంద్యాల జిల్లా, శ్రీశైలం, నవంబర్ 09 2026: శ్రీశైలం లోకకల్యాణాన్ని కాంక్షిస్తూ శ్రీశైల దేవస్థానం ఆధ్వర్యంలో ఆదివారం రాత్రి శ్రీ భ్రమరాంబ సమేత మల్లికార్జున స్వామివార్ల పల్లకీ ఉత్సవాన్ని భక్తిశ్రద్ధలతో నిర్వహించారు. ప్రతి ఆదివారం, పౌర్ణమి, మూలా నక్షత్రం రోజుల్లో దేవస్థానం ఈ ఉత్సవాన్ని సర్కారీ సేవగా నిర్వహించడం ఆనవాయితీగా వస్తోంది. ఉత్సవంలో భాగంగా ముందుగా అమ్మవారి ఆలయ ఆశీర్వచన మండపంలో అర్చక స్వాములు లోకకల్యాణాన్ని కాంక్షిస్తూ సేవా సంకల్పాన్ని పఠించారు. అనంతరం కార్యక్రమం నిర్విఘ్నంగా జరగాలని మహాగణపతి పూజ నిర్వహించారు. ఆ తర్వాత శ్రీ స్వామి అమ్మవార్ల ఉత్సవమూర్తులను పల్లకీలో అధిష్ఠింపజేసి శాస్త్రోక్తంగా షోడశోపచార పూజలు నిర్వహించారు. లోకకల్యాణం, సకల జనుల శ్రేయస్సును ఆకాంక్షిస్తూ నిర్వహించిన ఈ పల్లకీ ఉత్సవం ఆలయ ఆధ్యాత్మిక సంప్రదాయాలకు ప్రతీకగా నిలిచింది.
శ్రీశైలంలో వైభవంగా స్వామి అమ్మవార్ల పల్లకీ ఉత్సవం
