పొలిటికల్ పవర్ ప్రతినిధి జగ్గయ్యపేట :
కృష్ణ జిల్లా స్థానిక సంస్థల ఎన్నికల్లో భాగంగా జరిగిన జగ్గయ్యపేట మండల జిల్లా పరిషత్ ప్రాదేశిక నియోజకవర్గ (ZPTC) ఎన్నికల్లో మండవ శ్రీనివాస్ ఘన విజయం సాధించారు. అత్యంత ఉత్కంఠభరితంగా సాగిన ఈ లెక్కింపు ప్రక్రియలో తన సమీప ప్రత్యర్థిపై 1,108 ఓట్ల మెజార్టీతో ఆయన విజేతగా నిలిచారు.
రౌండ్ రౌండ్ కూ ఆధిక్యాన్ని కనబరుస్తూ వచ్చిన శ్రీనివాస్, ప్రారంభం నుంచే స్పష్టమైన మెజార్టీ దిశగా దూసుకెళ్లారు. చివరి రౌండ్ ముగిసేసరికి 1,108 ఓట్ల స్పష్టమైన ఆధిక్యంతో ఆయన విజయం ఖరారైంది.
ప్రజల నమ్మకానికి కృతజ్ఞతలు: విజయం అనంతరం మండవ శ్రీనివాస్ మాట్లాడుతూ… తనపై నమ్మకంతో గెలిపించిన జగ్గయ్యపేట మండల ప్రజలకు, తన విజయం కోసం అహర్నిశలు శ్రమించిన నాయకులు, కార్యకర్తలు, అభిమానులకు ప్రత్యేక ధన్యవాదాలు తెలియజేశారు. మండలంలోని ప్రతి గ్రామాభివృద్ధికి, ప్రజల సమస్యల పరిష్కారానికి నిరంతరం అందుబాటులో ఉంటానని, నియోజకవర్గాన్ని మోడల్ మండలంగా తీర్చిదిద్దేందుకు కృషి చేస్తానని ఈ సందర్భంగా ఆయన హామీ ఇచ్చారు.
శ్రీనివాస్ విజయం పట్ల ఆయన మద్దతుదారులు, నాయకులు, కార్యకర్తలు తీవ్ర ఆనందం వ్యక్తం చేస్తూ మండలంలో విజయోత్సవ ర్యాలీ నిర్వహించారు. ఒకరికొకరు మిఠాయిలు తినిపించుకుంటూ శుభాకాంక్షలు తెలుపుకున్నారు.