పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ సెప్టెంబర్ 20 2026: పెద్దమందడి మండలంలోని మోజర్ల గ్రామానికి చెందిన గట్టు రమేష్ కుమారుడు గట్టు యువరాజ్ ఎంబీబీఎస్ సీటు సాధించిన సందర్భంగా అయ్యపురెడ్డి మెమోరియల్ ఫౌండేషన్ ఆధ్వర్యంలో ప్రోత్సాహక కార్యక్రమం నిర్వహించారు. ఈ సందర్భంగా వనపర్తి ప్రజావైద్యశాల డాక్టర్ మురళీధర్ చేతుల మీదుగా యువరాజ్ను ఘనంగా సన్మానించారు. అనంతరం ఫౌండేషన్ తరఫున పుస్తకాల కొనుగోలు కోసం రూ.10,000 నగదు ప్రోత్సాహకాన్ని అందజేశారు. ఈ సందర్భంగా యువరాజ్ను అభినందిస్తూ ఎంబీబీఎస్ విద్యను విజయవంతంగా పూర్తి చేసి భవిష్యత్తులో పేద ప్రజలకు నాణ్యమైన వైద్య సేవలు అందించాలని ఆకాంక్షించారు. విద్యార్థుల ఉన్నత విద్యకు ప్రోత్సాహం అందించడం ద్వారా వారి భవిష్యత్తుకు అండగా నిలవడమే ఫౌండేషన్ లక్ష్యమని నిర్వాహకులు తెలిపారు.
ఎంబీబీఎస్ విద్యార్థికి అయ్యపురెడ్డి మెమోరియల్ ఫౌండేషన్ ప్రోత్సాహకం
