ఖమ్మం (పొలిటికల్ పవర్ – ఎన్ వి ఆర్ టీవీ న్యూస్):
ఖమ్మం జిల్లా మధిర మండలం దెందుకూరు గ్రామానికి చెందిన మాజీ సర్పంచ్, స్వాతంత్ర్య సమరయోధులు, సీనియర్ కాంగ్రెస్ నాయకులు కీర్తిశేషులు దమ్మాలపాటి దేశపతి రావు మరియు వారి సతీమణి శ్రీమతి రోసమ్మ గార్ల వర్ధంతి సందర్భంగా ‘హర్ష కేతన్ స్వచ్ఛంద సేవ ఫౌండేషన్’ ఆధ్వర్యంలో పేదలకు భారీ అన్నదాన కార్యక్రమం నిర్వహించారు.
దేశపతి రావు దంపతుల పవిత్ర స్మృతులను స్మరించుకుంటూ వారి కుమారులు, కుమార్తెలు మరియు కుటుంబ సభ్యులు ఈ అన్నప్రసాద వితరణ కార్యక్రమాన్ని ఏర్పాటు చేశారు. ఈ సందర్భంగా ఆకలితో ఉన్న నిరుపేదలకు అన్నం పెట్టడం ద్వారా మానవత్వం, సేవాభావం, దాతృత్వం వంటి గొప్ప విలువలను చాటిచెప్పారు.
ఈ సందర్భంగా నిర్వాహకులు మాట్లాడుతూ.. మనిషి భౌతికంగా మన మధ్య లేకపోయినా, ఆయన సమాజానికి చేసిన మంచి పనులు, చూపిన ప్రేమాభిమానాలు, పంచిన మానవత్వం ఎప్పటికీ మన హృదయాల్లో చిరస్థాయిగా నిలిచిపోతాయని కొనియాడారు. లోకంలో ఆకలితో ఉన్నవారికి అన్నం పెట్టడం కన్నా గొప్ప సేవ మరొకటి లేదని, అన్నదానం ద్వారా స్వర్గీయ దమ్మాలపాటి దేశపతి రావు జ్ఞాపకాలను స్మరించుకోవడం ఎంతో అభినందనీయమని అన్నారు.
ఈ కార్యక్రమంలో దమ్మాలపాటి పురుషోత్తం (పుల్లయ్య), వాసిరెడ్డి శ్రీనివాసరావు, వారి కుటుంబ సభ్యులతో పాటు ‘హర్ష కేతన్ స్వచ్ఛంద సేవ ఫౌండేషన్’ నిర్వాహకులు కూరపాటి సురేష్ చమర్ తదితరులు పాల్గొన్నారు.
స్వర్గీయ దమ్మాలపాటి దేశపతి రావు, రోసమ్మ గార్ల ఆత్మకు శాంతి చేకూరాలని, వారి కుటుంబ సభ్యులకు ఆ భగవంతుడు ఎల్లప్పుడూ మనోధైర్యాన్ని ప్రసాదించాలని పలువురు ఆకాంక్షించారు.
మానవ సేవే… మాధవ సేవ!
మీ జ్ఞాపకాలు చిరస్మరణీయం… మీ సేవలు ఆదర్శనీయం…