పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో నవంబర్ 13 2026: పెద్దమందడి మండలం మోజర్ల గ్రామంలో గ్రామ అభివృద్ధితో పాటు కూలీలకు స్థానికంగా ఉపాధి కల్పించడమే లక్ష్యంగా ఉపాధి హామీ పథకం కింద వివిధ అభివృద్ధి పనులు చేపడుతున్నారు. గ్రామంలో పచ్చదనం పెంపొందించడం, నీటి సంరక్షణ, కాలువల శుభ్రత, మొక్కల పెంపకం వంటి పనులకు ప్రాధాన్యతనిస్తూ గ్రామాన్ని అభివృద్ధి దిశగా ముందుకు తీసుకెళ్తున్నారు. ఉపాధి హామీ పనుల ద్వారా గ్రామీణ కూలీలకు స్థానికంగానే పని కల్పించి వారి ఆర్థిక స్థితిగతులను మెరుగుపరిచేందుకు కృషి చేస్తున్నట్లు సర్పంచ్ చంద్రశేఖర్ తెలిపారు. గ్రామంలోని ప్రతి కూలీ ఈ పథకాన్ని సద్వినియోగం చేసుకోవాలని, పనుల నిర్వహణలో కూలీలకు ఎలాంటి ఇబ్బందులు కలగకుండా అవసరమైన చర్యలు తీసుకుంటామని పేర్కొన్నారు. ఈ కార్యక్రమంలో సర్పంచ్ చంద్రశేఖర్, ఉపసర్పంచ్ రాములు, పంచాయతీ కార్యదర్శి, క్షేత్రస్థాయి అధికారి పాల్గొన్నారు. గ్రామ అభివృద్ధి, పర్యావరణ పరిరక్షణతో పాటు గ్రామీణ కూలీలకు ఉపాధి కల్పించడమే ప్రధాన ధ్యేయంగా మోజర్ల గ్రామపంచాయతీ ముందుకు సాగుతోంది.
గ్రామ అభివృద్ధే లక్ష్యంగా ఉపాధి హామీ పనులకు శ్రీకారం -సర్పంచ్ చంద్రశేఖర్
