పొలిటికల్ పవర్ సమగ్ర జాతీయ తెలుగు దినపత్రిక పిఎన్ 9 టీవీ న్యూస్ వనపర్తి జిల్లా బ్యూరో నవంబర్ 14. 2026.పామాపురం పీఏసీఎస్ నూతనంగా బాధ్యతలు స్వీకరించిన చైర్మన్ నాగారపు బీచుపల్లి యాదవ్ ను శుక్రవారం వనపర్తి జిల్లా కొత్తకోట మండల పరిధిలోని నాటవెల్లి గ్రామంలో ఆయన నివాసంలో శాలువా కప్పి ఘనంగా సన్మానించి శుభాకాంక్షలు తెలియజేశారు.ఈ సందర్భంగా టిడిపి మండల పార్టీ అధ్యక్షుడు యం.కిషన్ నాయక్ మాట్లాడుతూ రైతులకు అండగా నిలుస్తూ, వారి సమస్యలను పరిష్కరించడమే లక్ష్యంగా నూతన పాలకవర్గం పని చేయాలని సూచించారు.ప్రపంచవ్యాప్తంగా ఎల్‌నినో కారణంగా కరువు పరిస్థితులు ఏర్పడ్డాయని, మన రాష్ట్రంలోనే కాదు పక్కనున్న ఆంధ్రప్రదేశ్ కర్ణాటక తో సహా అనేక రాష్ట్రాల్లో కరువు నెలకొందని అన్నారు.కరువు నేపథ్యంలో పంటలు ఎండిపోయినా, ఎక్కడైనా పంట నష్టం జరిగినా వ్యవసాయ అధికారులు క్షేత్రస్థాయిలో పరిశీలించి వివరాలు ప్రభుత్వానికి నివేదించాలని, పంట నష్టపోయిన రైతులకు నష్టపరిహారం అందించేలా చర్యలు తీసుకోవాలని అన్నారు. రైతులకు ఎలాంటి సమస్య ఎదురైనా వెంటనే గ్రామాలకు వెళ్లి సంబంధిత అధికారులతో కలిసి సమస్యలను గుర్తించి ప్రభుత్వానికి నివేదించాలని అన్నారు.
పదవులు చేపట్టిన వారు బాధ్యతతో పని చేయాలని స్పష్టం చేశారు. ఈ కార్యక్రమంలో నాటవెల్లి పెద్ద తాండ సర్పంచ్ రాజు నాయక్ తదితరులు పాల్గొన్నారు.