– విద్య, వైద్యం, మౌలిక వసతులు అన్ని రంగాల్లో దేవరకద్ర అభివృద్ధే ధ్యేయంగా ఎమ్మెల్యే జి.మధుసూదన్ రెడ్డి అడుగులు,
పొలిటికల్ పవర్ సమగ్ర జాతీయ తెలుగు దినపత్రిక పిఎన్ 9 టివి న్యూస్ వనపర్తి జిల్లా బ్యూరో నవంబర్.08.2026.లక్షల రూపాయల ఆదాయం అందించే న్యాయవాద వృత్తిని వదిలి, ప్రజాసేవనే పరమావధిగా భావించి రాజకీయ ప్రస్థానాన్ని ప్రారంభించిన నాయకుడు దేవరకద్ర ఎమ్మెల్యే జి. మధుసూదన్ రెడ్డి వ్యక్తిగత వృత్తి జీవితంలో మరింత ఉన్నత స్థాయికి ఎదిగే అవకాశాలున్నప్పటికీ, తన ప్రాంత ప్రజల అభివృద్ధి కోసం ప్రజా జీవితాన్ని ఎంచుకున్నారు. తాను పుట్టి పెరిగిన ప్రాంతం అన్ని రంగాల్లో అభివృద్ధి చెందాలనే సంకల్పంతో రాజకీయాల్లోకి అడుగుపెట్టారు. విద్య, వైద్యం, సాగునీరు, రహదారులు, పారిశ్రామిక రంగం, యువతకు ఉపాధి ఇలా ప్రతి రంగంలో దేవరకద్రకు కొత్త అవకాశాలు కల్పించాలన్న లక్ష్యంతో ముందుకు సాగుతున్నారు.
వృత్తి కంటే ప్రజాసేవకే ప్రాధాన్యత
న్యాయవాదిగా సంపాదించగలిగే ఆదాయం, వృత్తిపరమైన అవకాశాలను పక్కనపెట్టి ప్రజల మధ్య ఉండటానికే ప్రాధాన్యత ఇచ్చారు.ప్రజల సమస్యలను దగ్గరగా తెలుసుకుని, వాటి పరిష్కారానికి కృషి చేయాలనే ఆలోచన ఆయన రాజకీయ ప్రస్థానానికి పునాది. తన ప్రాంత ప్రజలకు మెరుగైన విద్య, నాణ్యమైన వైద్యం, మెరుగైన రవాణా సదుపాయాలు, ఉపాధి అవకాశాలు అందుబాటులోకి రావాలన్నది ఆయన ప్రధాన సంకల్పం.
దేవరకద్ర అభివృద్ధికి సమగ్ర ప్రణాళిక
నియోజకవర్గ అభివృద్ధిని కేవలం రహదారులు, భవనాల నిర్మాణానికే పరిమితం చేయకుండా అన్ని రంగాల్లో సమగ్ర అభివృద్ధి సాధించాలనే లక్ష్యంతో కార్యాచరణ కొనసాగిస్తున్నారు. కురుమూర్తి స్వామి ఆలయ అభివృద్ధి, ఎలివేటెడ్ కారిడార్, గ్రామీణ రహదారుల విస్తరణ, హై లెవల్ బ్రిడ్జిల నిర్మాణం వంటి మౌలిక వసతుల పనులకు ప్రాధాన్యత ఇస్తున్నారు. సాగునీటి సమస్యల పరిష్కారం, పారిశ్రామిక అభివృద్ధి, గ్రామీణ ప్రాంతాలకు మెరుగైన సదుపాయాల కల్పనపై దృష్టి సారిస్తున్నారు.
విద్య, వైద్యం.. భవిష్యత్తు తరాలకు బలమైన పునాది
ప్రతి పేద కుటుంబంలోని విద్యార్థికి నాణ్యమైన విద్య అందుబాటులో ఉండాలనే లక్ష్యంతో విద్యారంగ అభివృద్ధికి ప్రాధాన్యత ఇస్తున్నారు.యంగ్ ఇండియా ఇంటిగ్రేటెడ్ రెసిడెన్షియల్ స్కూల్, ప్రభుత్వ పాఠశాలలు, కళాశాలల అభివృద్ధికి కృషి చేస్తున్నారు. అదేవిధంగా దేవరకద్ర, కొత్తకోట, కౌకుంట్ల ప్రాంతాల్లో మెరుగైన వైద్య సదుపాయాల కల్పనకు ప్రణాళికలు ముందుకు తీసుకెళ్తున్నారు. ప్రజలు చిన్నపాటి వైద్య అవసరాల కోసం దూర ప్రాంతాలకు వెళ్లాల్సిన పరిస్థితి తగ్గించాలన్నది ఆయన ఆలోచన.
ప్రజా సమస్యల పరిష్కారంలో నిరంతర చొరవ
ప్రజా ప్రతినిధిగా ప్రజలకు అందుబాటులో ఉండటం, వారి సమస్యలను అధికారుల దృష్టికి తీసుకెళ్లి పరిష్కరించడం తన బాధ్యతగా భావిస్తున్నారు. తాగునీరు, విద్యుత్, రహదారులు, సాగునీరు, భూ సమస్యలు, సంక్షేమ పథకాల అమలుపై ఎప్పటికప్పుడు స్పందిస్తున్నారు. గ్రామాల పర్యటనలు, ప్రజలతో సమావేశాలు, అధికారులతో సమీక్షల ద్వారా సమస్యల పరిష్కారానికి చర్యలు చేపడుతున్నారు.
సంక్షేమ పథకాలు ప్రతి అర్హుడికీ చేరాలనే లక్ష్యం
ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం అమలు చేస్తున్న *ఇందిరమ్మ ఇళ్లు, 200 యూనిట్ల ఉచిత విద్యుత్, రూ.500 గ్యాస్ సిలిండర్, మహిళలకు ఉచిత బస్సు ప్రయాణం, రైతు భరోసా, రైతు రుణమాఫీ* వంటి పథకాలు అర్హులైన కుటుంబాలకు అందేలా కృషి చేస్తున్నారు. లబ్ధిదారుల ఎంపిక నుంచి పథకాల అమలు వరకు అధికార యంత్రాంగంతో సమన్వయం చేసుకుంటూ సంక్షేమ ఫలాలు ప్రజలకు చేరేలా చర్యలు తీసుకుంటున్నారు.
2036 దేవరకద్ర విజన్.. పారిశ్రామిక ప్రగతికి బాటలు
దేవరకద్రను భవిష్యత్తులో అభివృద్ధి చెందిన నియోజకవర్గంగా తీర్చిదిద్దాలనే లక్ష్యంతో 2036 విజన్‌కు ప్రాధాన్యత ఇస్తున్నారు. బ్రహ్మోస్ రక్షణ పరిశ్రమ ప్రతిపాదన, ఇండస్ట్రియల్ కారిడార్, యువతకు నైపుణ్యాభివృద్ధి ఉపాధి అవకాశాలు, ఆధునిక మౌలిక వసతులు అనే నాలుగు ప్రధాన అంశాలపై దృష్టి సారిస్తున్నారు. పారిశ్రామిక పెట్టుబడులు వస్తే స్థానిక యువతకు ఉద్యోగాలు, వ్యాపార అవకాశాలు పెరుగుతాయనే ఆశయంతో ముందుకు సాగుతున్నారు.
పదవి కాదు.. బాధ్యతగా ప్రజాప్రతినిధిత్వం
న్యాయవాద వృత్తిని వదిలి ప్రజా జీవితంలోకి వచ్చిన తన రాజకీయ ప్రస్థానాన్ని ప్రజాసేవతో ముడిపెట్టుకున్నారు. ప్రజల అవసరాలను గుర్తించడం, ప్రభుత్వ నిధులతో అభివృద్ధి పనులు చేపట్టేలా కృషి చేయడం, సంక్షేమ పథకాలను అర్హులకు చేరవేయడం, భవిష్యత్తు తరాలకు మెరుగైన అవకాశాలు కల్పించడం వంటి అంశాలకు ప్రాధాన్యత ఇస్తున్నారు.తన ప్రాంతం అభివృద్ధి చెందాలి ప్రతి గ్రామానికి *మెరుగైన మౌలిక వసతులు* రావాలి.. ప్రతి విద్యార్థికి *నాణ్యమైన విద్య* అందాలి.. ప్రతి పేద కుటుంబానికి *మెరుగైన వైద్యం అందుబాటులో ఉండాలి యువతకు స్థానికంగానే ఉపాధి అవకాశాలు కలగాలి రైతులకు సాగునీటి భరోసా లభించాలి ఇవే రాజకీయ ప్రస్థానం వెనుక ఉన్న ప్రధాన ఆశయాలు.లక్షల ఆదాయం వచ్చే వృత్తిని వదిలి ప్రజల మధ్యకు వచ్చిన ఒక న్యాయవాది తన ప్రాంత అభివృద్ధిని జీవిత లక్ష్యంగా ఎంచుకున్న ప్రజాప్రతినిధిగా దేవరకద్ర రాజకీయ ప్రస్థానంలో జి.మధుసూదన్ రెడ్డి తనదైన ముద్ర వేయాలనే సంకల్పంతో ముందుకు సాగుతున్నారు.