పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో సెప్టెంబర్ 24 2026: పెబ్బేరు మండలం సుగూరు గ్రామానికి చెందిన కుమ్మరి లక్ష్మి పిడుగుపాటుకు గురై మృతి చెందడంతో గ్రామంలో విషాదం నెలకొంది. విషయం తెలుసుకున్న మాజీ మంత్రివర్యులు డాక్టర్ జిల్లెల చిన్నారెడ్డి వనపర్తి ఏరియా హాస్పిటల్ కు చేరుకుని లక్ష్మి పార్థివ దేహానికి నివాళులర్పించారు. ఈ సందర్భంగా మృతురాలి కుటుంబ సభ్యులను పరామర్శించి, వారికి ప్రగాఢ సానుభూతిని తెలిపారు. లక్ష్మి మృతి పట్ల చిన్నారెడ్డి తీవ్ర విచారం వ్యక్తం చేశారు. ఈ కష్ట సమయంలో కుటుంబానికి అండగా ఉంటామని భరోసా ఇచ్చారు. అనంతరం మృతురాలి కుటుంబానికి రూ.5,000 ఆర్థిక సహాయాన్ని అందజేశారు. లక్ష్మి మృతి కుటుంబానికి తీరని లోటని అన్నారు. ఆమె ఆత్మకు శాంతి చేకూరాలని భగవంతుడిని ప్రార్థించారు. నివాళులర్పించిన వాళ్ళు వనపర్తి పట్టణ ప్రధాన కార్యదర్శి బాబా, సుగూరు గ్రామ మాజీ సర్పంచి రాజశేఖర్ గౌడ్, సీనియర్ నాయకులు ద్వార పోగు విజయబాబు, సిరివాటి సురేష్, గ్రామస్తులు ఉన్నారు.
పిడుగుపాటుకు మృతి చెందిన లక్ష్మికి చిన్నారెడ్డి నివాళులు
