మనిగిళ్లలో ఉత్తమ ఉపాధ్యాయులకు ఘన సన్మానం

📰 Generate e-Paper Clip

జిల్లా, మండల స్థాయి అవార్డులు రావడం గ్రామానికి గర్వకారణం: సర్పంచ్ శ్రీనివాస్ గౌడ్పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో సెప్టెంబర్ 25 2026: పెద్దమందడి మండలం మనిగిళ్ల గ్రామంలోని ప్రాథమిక పాఠశాలలో జిల్లా, మండల స్థాయి ఉత్తమ ఉపాధ్యాయ అవార్డులు పొందిన ఉపాధ్యాయులను శుక్రవారం ఘనంగా సన్మానించారు. జిల్లాస్థాయి ఉత్తమ ఉపాధ్యాయ అవార్డు పొందిన వడ్డేమాన్ రాముడు, మండల స్థాయి ఉత్తమ ఉపాధ్యాయ అవార్డు అందుకున్న జీకే శ్రీనివాస్‌లను గ్రామ ప్రజలు, గ్రామ సర్పంచ్ శ్రీనివాస్ గౌడ్ సన్మానించి అభినందించారు. ఈ సందర్భంగా సర్పంచ్ శ్రీనివాస్ గౌడ్ మాట్లాడుతూ… మనిగిళ్ల గ్రామానికి జిల్లా, మండల స్థాయిలో ఉత్తమ ఉపాధ్యాయ అవార్డులు రావడం గర్వకారణమన్నారు. ఉపాధ్యాయులు విద్యార్థులకు కేవలం విద్యను అందించడమే కాకుండా వారి భవిష్యత్తుకు బాటలు వేస్తారని పేర్కొన్నారు. మన దేశ భవిష్యత్తు తరగతి గదుల్లోనే నిర్మాణమవుతుందని అన్నారు. ఉపాధ్యాయులే భవిష్యత్ నాయకులను తీర్చిదిద్దే కీలక పాత్ర పోషిస్తారని తెలిపారు. అవార్డులు అందుకున్న ఉపాధ్యాయులు మరింత బాధ్యతతో విద్యార్థుల అభివృద్ధికి కృషి చేయాలని ఆకాంక్షించారు. ఈ కార్యక్రమంలో పెద్దమందడి కాంప్లెక్స్ హెడ్‌మాస్టర్ శాంతన్న, జెడ్పీహెచ్‌ఎస్ మనిగిళ్ల హెచ్‌ఎం ఏ. వెంకటేశ్వర్లు, ప్రాథమిక పాఠశాల హెచ్‌ఎం నర్సరీ మేడం, ఉపాధ్యాయ బృందాలు పాల్గొన్నారు. గ్రామ ప్రజలు, ఉపాధ్యాయులు అవార్డు గ్రహీతలకు అభినందనలు తెలిపారు.