పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ తెలంగాణ రాష్ట్ర బ్యూరో సెప్టెంబర్ 21 2026: సికింద్రాబాద్ లాలాపేట్: శ్రీ గణేష్ నవరాత్రి ఉత్సవాల్లో భాగంగా సికింద్రాబాద్ లాలాపేట్లో ఏర్పాటు చేసిన గణేష్ మండపాలను తెలంగాణ రాష్ట్ర ఏఐపీసీ అధ్యక్షులు, వనపర్తి నియోజకవర్గ యువ నాయకులు డాక్టర్ జిల్లెల ఆదిత్య రెడ్డి సందర్శించారు. ఈ సందర్భంగా గణనాథునికి ప్రత్యేక పూజలు నిర్వహించి, రాష్ట్ర ప్రజలంతా సుఖసంతోషాలతో, ఆయురారోగ్యాలతో ఉండాలని మనస్ఫూర్తిగా ప్రార్థించారు. వినాయక చవితి ఉత్సవాలు ప్రజల్లో భక్తి భావాన్ని, ఐక్యతను పెంపొందించడంతో పాటు సామాజిక స్ఫూర్తిని చాటుతాయని ఈ సందర్భంగా ఆయన పేర్కొన్నారు. గణేష్ నవరాత్రి ఉత్సవాలను భక్తిశ్రద్ధలతో నిర్వహిస్తున్న నిర్వాహకులను ఆయన అభినందించారు. ఈ కార్యక్రమంలో ఏఐపీసీ సిఎస్&పిఆర్ డొమైన్ హెడ్ సందీప్ భూషణ్, ఫైనాన్షియల్ డొమైన్ హెడ్ వై. సంతోష్, ఎంఎస్ఎంఈ డొమైన్ హెడ్ శశాంక్ పసుపులేటి, సికింద్రాబాద్ జిల్లా అధ్యక్షులు నరైన్ రాజా, అడ్వకేట్ జగన్ మోహన్ రెడ్డి తో పాటు పలువురు నాయకులు, కార్యకర్తలు పాల్గొన్నారు.
గణేష్ నవరాత్రి ఉత్సవాల్లో డాక్టర్ జిల్లెల ఆదిత్య రెడ్డి ప్రత్యేక పూజలు
