మహాత్మా జ్యోతిబా ఫూలే ఓవర్సీస్ విద్యా నిధికి వనపర్తి నుంచి 8 మంది ఎంపిక..
పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో నవంబర్ 05 2026: విద్యార్థులను అభినందిస్తూ వనపర్తి శాసనసభ్యులు మేఘారెడ్డికి రాష్ట్ర మంత్రి పొన్నం ప్రభాకర్ పంపిన లెటర్ ను గురువారం జిల్లా బీసీ వెల్ఫేర్ అధికారి ముజాహిద్ ఖాన్ ఎమ్మెల్యే కు అందజేశారు.
ఈ సందర్భంగా విద్యార్థులకు ఎమ్మెల్యే మేఘారెడ్డి అభినందనలు
ఆర్థిక పరిస్థితులు పేద విద్యార్థుల ఉన్నత చదువులకు అడ్డంకి కాకూడదనే సంకల్పంతో కాంగ్రెస్ ప్రభుత్వం విద్యారంగానికి అత్యంత ప్రాధాన్యతనిస్తూ ముందుకు సాగుతోందని వనపర్తి ఎమ్మెల్యే తూడి మేఘారెడ్డి అన్నారు. మహాత్మా జ్యోతిబా ఫూలే ఓవర్సీస్ విద్యా నిధి పథకం ద్వారా విదేశాల్లో ఉన్నత విద్యను అభ్యసించే అవకాశం పొందిన వనపర్తి నియోజకవర్గానికి చెందిన 8 మంది విద్యార్థులను ఎమ్మెల్యే అభినందించారు. ఈ పథకం ద్వారా ఎంపికైన విద్యార్థులకు విదేశాల్లో ఉన్నత విద్యను అభ్యసించేందుకు ప్రభుత్వం ఆర్థిక సహాయం అందించడం వారి భవిష్యత్తుకు గొప్ప భరోసా అని పేర్కొన్నారు. ప్రపంచ స్థాయి విద్యను అందిపుచ్చుకుని ఉన్నత ఉద్యోగ, ఉపాధి అవకాశాలను సాధించడంతో పాటు అంతర్జాతీయ స్థాయిలో తమ ప్రతిభను చాటుకునేందుకు ఈ పథకం ఎంతగానో దోహదపడుతుందని అన్నారు. విద్యార్థుల కలలను సాకారం చేయడమే లక్ష్యంగా కాంగ్రెస్ ప్రభుత్వం విద్యకు ఇస్తున్న ప్రాధాన్యతకు ఈ పథకం నిదర్శనమని కొనియాడారు. ఎంపికైన విద్యార్థులు ఉన్నత లక్ష్యాలతో ముందుకు సాగి తమ కుటుంబాలకు, వనపర్తి ప్రాంతానికి మంచి పేరు తీసుకురావాలని ఆకాంక్షించారు. విద్యార్థుల భవిష్యత్తుకు తన సహకారం, ప్రోత్సాహం ఎల్లప్పుడూ ఉంటుందని ఎమ్మెల్యే భరోసా ఇచ్చారు.