స్థలాన్ని పరిశీలించిన ఎమ్మెల్యే జారె ఆదినారాయణ, టీజీఎన్‌పీడీసీఎల్ సీఎండీ కర్నాటి వరుణ్ రెడ్డి
పొలిటికల్ పవర్, అశ్వారావుపేట, అక్టోబర్ 29:భద్రాద్రి కొత్తగూడెం జిల్లా అశ్వారావుపేట మున్సిపాలిటీ పరిధిలో నూతనంగా నిర్మించనున్న విద్యుత్ శాఖ డివిజన్ కార్యాలయ స్థలాన్ని అశ్వారావుపేట శాసనసభ్యులు జారె ఆదినారాయణ, టీజీఎన్‌పీడీసీఎల్ వరంగల్ సీఎండీ కర్నాటి వరుణ్ రెడ్డి ఐఏఎస్, మున్సిపల్ వైస్ చైర్మన్ జూపల్లి రమేష్ బాబు కలిసి పరిశీలించారు.
ఈ సందర్భంగా నూతన డివిజన్ కార్యాలయ నిర్మాణానికి సంబంధించి ప్రతిపాదిత స్థలాన్ని పరిశీలించి, కార్యాలయ ఏర్పాటుకు సంబంధించిన అంశాలను పరిశీలించారు. అశ్వారావుపేట ప్రాంతంలో విద్యుత్ శాఖ పరిపాలనా కార్యకలాపాలకు అవసరమైన కార్యాలయ వసతుల కల్పనలో భాగంగా ఈ స్థల పరిశీలన చేపట్టారు.
అనంతరం టీజీఎన్‌పీడీసీఎల్ సీఎండీ కర్నాటి వరుణ్ రెడ్డి ఐఏఎస్‌కు ఎమ్మెల్యే జారె ఆదినారాయణ పుష్పగుచ్ఛం అందజేసి, శాలువాతో ఘనంగా సత్కరించారు.
ఈ కార్యక్రమంలో మున్సిపల్ వైస్ చైర్మన్ జూపల్లి రమేష్ బాబు, మండల అధ్యక్షుడు చిన్నంశెట్టి సత్యనారాయణ, జూపల్లి ప్రమోద్, మిoడా హరిబాబు, వెలుపుల సత్యనారాయణ, దండ బత్తుల రమేష్, ఆకుల శ్రీను, విద్యుత్ శాఖ అధికారులు పాల్గొన్నారు.