పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ నవంబర్ 12 2026: పెద్దమందడి మండలం మద్దిగట్ల గ్రామానికి చెందిన ఎరుకల్లి ఎల్లయ్య మృతి చెందడంతో ఆపదలో ఉన్న ఆయన కుటుంబానికి వనపర్తి ఎమ్మెల్యే తూడి మేఘారెడ్డి అండగా నిలిచారు. మేఘన్న అభయహస్తం కార్యక్రమం ద్వారా బాధిత కుటుంబానికి రూ.5,000 ఆర్థిక సహాయాన్ని అందించారు. ఈ సందర్భంగా మృతుడు ఎల్లయ్య ఆత్మకు శాంతి చేకూరాలని భగవంతుడిని ప్రార్థించారు. కష్టకాలంలో తమ కుటుంబానికి ఆర్థిక సహాయం అందించి అండగా నిలిచిన ఎమ్మెల్యే తూడి మేఘారెడ్డికి కుటుంబ సభ్యులు హృదయపూర్వక కృతజ్ఞతలు తెలిపారు. అదేవిధంగా బాధిత కుటుంబానికి అన్ని విధాలుగా అండగా ఉంటామని గ్రామ సర్పంచ్ రాములు యాదవ్ భరోసా ఇచ్చారు. ఈ కార్యక్రమంలో గ్రామ సర్పంచ్ రాములు యాదవ్, మాజీ ఎంపీటీసీ సత్యారెడ్డి, గోవర్ధన్ గౌడ్, ఆర్. నాగన్న యాదవ్, కే. జనార్ధన్, కే. శివారెడ్డి, కే. గణేష్, కిషోర్, నరసింహాచారి, యాదన్న, జె. పరమేష్ యాదవ్, ఎస్. రవి, ఎం. శివరాం, ఎం. రాములు, వార్డు సభ్యుడు బాలకృష్ణ గౌడ్, మన్యంకొండతో పాటు గ్రామ పెద్దలు, యువకులు, కాంగ్రెస్ పార్టీ నాయకులు పాల్గొన్నారు.
ఆపదలో అభయహస్తం.. మేఘన్న ద్వారా బాధిత కుటుంబానికి రూ.5 వేల ఆర్థిక సహాయం!
