పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ వనపర్తి జిల్లా బ్యూరో ఆగస్టు 25 2026: పెద్దమందడి ప్రభుత్వ జూనియర్ కళాశాల పెద్దమందడిలో “ECO Club – Mission for Life” ఆధ్వర్యంలో వన మహోత్సవ కార్యక్రమాన్ని ఘనంగా నిర్వహించారు. ఈ సందర్భంగా కళాశాల ప్రాంగణంలో మొక్కలు నాటారు. కళాశాల ప్రిన్సిపల్ జి. సైదులు ఆధ్వర్యంలో నిర్వహించిన ఈ కార్యక్రమానికి ముఖ్య అతిథులుగా పెద్దమందడి ఎంపీడీవో, ఎస్ఐ హాజరై మొక్కలు నాటారు. అనంతరం కళాశాల అధ్యాపకులు, అధ్యాపకేతర సిబ్బంది కూడా మొక్కలు నాటి పర్యావరణ పరిరక్షణకు తమ వంతు బాధ్యతను చాటుకున్నారు. ఈ సందర్భంగా మొక్కలను నాటడమే కాకుండా వాటిని సంరక్షించి, పర్యావరణ పరిరక్షణలో ప్రతి ఒక్కరూ భాగస్వాములు కావాలని పిలుపునిచ్చారు. కళాశాల ప్రాంగణాన్ని పచ్చదనంతో నింపేందుకు మరిన్ని మొక్కలు నాటే కార్యక్రమాలను కొనసాగిస్తామని నిర్వాహకులు తెలిపారు.
పెద్దమందడి ప్రభుత్వ జూనియర్ కళాశాలలో ఘనంగా వన మహోత్సవం
