*పొలిటికల్ పవర్ సమగ్ర జాతీయ తెలుగు దినపత్రిక & పొలిటికల్ న్యూస్9 టీవీతెలుగు న్యూస్ తెలంగాణ ఆంధ్రప్రదేశ్ రాష్ట్రాల బ్యూరో ఇంచార్జి యర్ర నాగరాజు రెడ్డి*
మరోవైపు విజయనగరం జిల్లా పరిషత్ పీఠం రేసులో ఉన్న మజ్జి సిరి సహస్ర కుల ధ్రువీకరణ పత్రం వ్యవహారం ఇప్పుడు రాజకీయంగా ఆసక్తి రేపుతోంది.
బీసీ మహిళకు రిజర్వ్ అయిన జడ్పీ పీఠం.. సిరి సహస్ర రాజకీయ భవితవ్యంపై కొత్త చర్చకు తెరలేపింది.
ఈ రోజు జరిగిన జడ్పీటీసీ ఎన్నికల్లో తెర్లాం నుంచి సిరి సహస్ర విజయం ఖాయమనే చర్చ జోరుగా సాగుతోంది. పోలింగ్ సరళి కూడా ఆమెకు అనుకూలంగా ఉందనే అంచనాలు వినిపిస్తున్నాయి.
అయితే.. జడ్పీ పీఠం రేసులో ఉన్న చిన్న శ్రీను ముద్దుల కూతురు సిరి సహస్ర కుల ధ్రువీకరణ పత్రం వ్యవహారం ఇప్పుడు కీలకంగా మారింది.
👉జైన్ కుటుంబంలో జన్మించి.. మజ్జి శ్రీనివాసరావు దత్తత తీసుకున్న సిరి సహస్రకు జారీ చేసిన బీసీ-డీ (తూర్పు కాపు) కుల ధ్రువీకరణ పత్రంపై అభ్యంతరాలు వ్యక్తమయ్యాయి.
ఈ వ్యవహారంపై ప్రతివాదులు హైకోర్టును ఆశ్రయించగా.. కుల ధ్రువీకరణ పత్రం చెల్లుబాటుపై తుది నిర్ణయం తీసుకునే బాధ్యతను జిల్లా కలెక్టర్‌కు వదిలింది.
ఇదే సమయంలో.. తెర్లాం జడ్పీటీసీ స్థానం అన్‌రిజర్వుడ్ కావడంతో.. బీసీ అభ్యర్థిగా చెల్లించిన రూ.3 వేల నామినేషన్ ఫీజుకు అదనంగా మరో రూ.3 వేలు చెల్లించాలని హైకోర్టు ఆదేశించింది.
ఇప్పుడు ఇదే అంశాన్ని హైలైట్ చేస్తూ.. కొందరు సిరి సహస్ర బీసీ హోదా చెల్లదంటూ ప్రచారం చేస్తున్నారు.
👉కానీ.. ఇక్కడ ఒక విషయం స్పష్టం చేయాలి.
“మొత్తం రూ.6 వేల నామినేషన్ ఫీజు చెల్లించాలన్న హైకోర్టు ఆదేశం.. ఆమె బీసీ హోదాను రద్దు చేసినట్లు మాత్రం కాదు..!”
అసలు ప్రశ్న ఇప్పుడు ఒక్కటే..
దత్తత ద్వారా సిరి సహస్రకు బీసీ-డీ హోదా పొందే అర్హత ఉందా? లేదా?
ఈ ప్రశ్నకు సమాధానం తేలాల్సింది జిల్లా కలెక్టర్ విచారణలోనే.
కలెక్టర్ విచారణలో ఏం తేలుస్తారు?
సిరి సహస్ర కుల ధ్రువీకరణ పత్రం చెల్లుబాటుపై ఎలాంటి నిర్ణయం తీసుకుంటారు?
ఆమె రాజకీయ ప్రయాణానికి ఈ నిర్ణయం కీలక మలుపుగా మారుతుందా?
ఇదే ఇప్పుడు జిల్లా రాజకీయాల్లో హాట్ టాపిక్!
మొత్తానికి..
పోలింగ్ ముగిసింది.. ఫలితాల కోసం ఎదురుచూపులు మొదలయ్యాయి.
కానీ సిరి సహస్ర విషయంలో అసలు ఉత్కంఠ మాత్రం ఇంకా కొనసాగుతూనే ఉంది.
ఓట్ల లెక్కింపులో గెలుపు ఎవరిది?
కలెక్టర్ నిర్ణయంలో తేలేది ఏమిటి?
జడ్పీ పీఠం దక్కేదేవరికి…???