నిజామాబాద్ జిల్లా రుద్రూర్ మండలం పొలిటికల్ పవర్ ప్రతినిధి: అడప మనోహర్. 23 సెప్టెంబర్ 2026.
ప్రముఖ యోగ గురువు రాందేవ్ బాబా వద్ద ముఖ్య యోగ ఉపాధ్యాయ శిక్షణ కొరకు రుద్రూర్ మండల కేంద్రం నుంచి 4 గురు యోగ శిక్షకులు బుధవారం హరిద్వార్ బయలుదేరి వెళ్లారు.
మహర్షి పతంజలి యోగ మరియు ధ్యాన కేంద్రం, రుద్రూర్ ఆధ్వర్యంలో అసిస్టెంట్ యోగ ట్రైనర్ కోర్సును పూర్తి చేసి, ప్రిన్సిపల్ యోగ శిక్షణ కోసం హరిద్వార్ బయలుదేరిన వారిలో చిదుర మహిపాల్, అడప శంకర్, గాండ్ల సాయన్న, ఎల్లగారి నరేందర్ లు ఉన్నారు. ఈ యొక్క శిక్షణ ఈ నెల 25 నుంచి 29 వరకు 5 రోజులు కొనసాగుతుంది. కావున వారు బుధవారం ఉదయం బయలుదేరి వెళ్లారు.
ఈ కార్యక్రమంలో యోగ మాస్టర్ డాక్టర్ విశ్వనాథ్ మహాజన్, కె.వి మోహన్, నూతిపల్లి బాలరాజు, బెజుగం వెంకటేశం గుప్త, గబాలె పురుషోత్తం, కర్రోళ్ల శివప్రసాద్,పుట్టి ప్రకాష్, అత్మెల హన్మండ్లు,తోట్ల గంగారాం,ఇందూరు ప్రోతన్ ప్రతాప్ రాజ్, చంద పోశెట్టి, చిదుర వినయ్ తదితరులు పాల్గొన్నారు.