కార్యకర్తలకు ఆపన్నహస్తం.. రైతు సమస్యలపై ప్రత్యేక శ్రద్ధ..
వ్యాపార రంగంలోనూ ప్రత్యేక గుర్తింపు.. ప్రజలతో మమేకమే ఆయన బలం..
పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ అశ్వారావుపేట రిపోర్టర్ వడితే గణేష్ ఆగస్టు 31 2026: రాజకీయాల్లో ఒడిదుడుకులు ఎదురైనా ప్రజలకు, కార్యకర్తలకు దూరం కాకుండా తన ప్రస్థానాన్ని కొనసాగిస్తున్న నాయకుడు జూపల్లి రమేష్బాబు. రైతు కుటుంబం నుంచి ఎదిగి వ్యవసాయ రంగంపై అవగాహన పెంచుకున్న ఆయన.. రైతుల సమస్యలను అర్థం చేసుకుంటూ వారికి అండగా నిలుస్తున్నారు. మరోవైపు వ్యాపార రంగంలోనూ తనదైన గుర్తింపు సాధిస్తూ ప్రజలతో మమేకమై ముందుకు సాగుతున్నారు. పదవుల కోసం రాజకీయాలు చేయడం కంటే ప్రజలకు అందుబాటులో ఉండటానికే ప్రాధాన్యం ఇస్తున్న ఆయనకు స్థానికంగా ప్రత్యేక ఆదరణ ఉందనే అభిప్రాయం వ్యక్తమవుతోంది.
రాజకీయ ప్రస్థానంలో ప్రత్యేక ముద్ర
వార్డు స్థాయి నుంచి రాజకీయ జీవితాన్ని ప్రారంభించిన రమేష్బాబు వివిధ బాధ్యతలు చేపడుతూ ప్రజలకు చేరువయ్యారు. పార్టీ కార్యకర్తలతో నిరంతరం సంబంధాలు కొనసాగిస్తూ వారి సమస్యలను తెలుసుకుంటూ పరిష్కారానికి తనవంతు కృషి చేస్తున్నారు. ప్రస్తుతం ఆయన సతీమణి జూపల్లి శశికళ మున్సిపాలిటీ చైర్పర్సన్గా, రమేష్బాబు మున్సిపాలిటీ వైస్ చైర్పర్సన్గా బాధ్యతలు నిర్వహిస్తున్నారు. కుటుంబంగా ప్రజా జీవితంలో కొనసాగుతూ స్థానిక ప్రజల సమస్యలపై దృష్టి సారిస్తున్నారు.
కష్టకాలంలో కార్యకర్తలకు అండ
రాజకీయంగా తనతో కలిసి నడిచే కార్యకర్తలకు కష్టసమయంలో అండగా నిలవడాన్ని రమేష్బాబు తన బాధ్యతగా భావిస్తున్నారని అనుచరులు చెబుతున్నారు. ఆర్థిక ఇబ్బందులు ఎదుర్కొంటున్న కార్యకర్తలు, వారి కుటుంబాలకు తనవంతు సహకారం అందిస్తూ భరోసా కల్పిస్తున్నారని పేర్కొంటున్నారు. కార్యకర్తలతో కేవలం రాజకీయ సంబంధాలకే పరిమితం కాకుండా కుటుంబ సభ్యుల మాదిరిగా ఆత్మీయంగా మెలగడం ఆయన ప్రత్యేకతగా చెబుతున్నారు.
రైతుల సమస్యలపై అవగాహన
వ్యవసాయ రంగంతో అనుబంధం ఉన్న రమేష్బాబుకు రైతుల కష్టనష్టాలపై ప్రత్యక్ష అవగాహన ఉంది. పంటలు, సాగు సమస్యలు, వ్యవసాయ రంగంలో ఎదురవుతున్న ఇబ్బందులపై రైతులతో చర్చిస్తూ వారి సమస్యలను తెలుసుకుంటున్నారు. రైతు కుటుంబం నుంచి వచ్చిన వ్యక్తిగా రైతుల బాధలను అర్థం చేసుకోవడం తనకు మరింత బాధ్యతను పెంచిందనే భావనతో ముందుకు సాగుతున్నట్లు ఆయన సన్నిహితులు చెబుతున్నారు.
విమర్శలను పట్టించుకోకుండా..
రాజకీయ జీవితంలో విమర్శలు, ఆరోపణలు ఎదురైనా వాటికి ప్రతిస్పందించడం కంటే ప్రజల్లో ఉండటానికే రమేష్బాబు ప్రాధాన్యం ఇస్తున్నారని ఆయన అనుచరులు పేర్కొంటున్నారు. ప్రత్యర్థుల విమర్శలకు రాజకీయ సమాధానం కంటే ప్రజలతో ఉన్న అనుబంధమే తనకు ముఖ్యమనే ధోరణితో ముందుకు సాగుతున్నారని చెబుతున్నారు. వ్యక్తిగత విమర్శల కంటే ప్రజా సమస్యలు, కార్యకర్తల సంక్షేమంపైనే దృష్టి సారిస్తున్న తీరు ఆయనకు మరింత గుర్తింపు తెచ్చిపెడుతోందని అభిప్రాయపడుతున్నారు.
సేవే లక్ష్యంగా ముందుకు..
అశ్వారావుపేట మండల కాంగ్రెస్ పార్టీ సీనియర్ నాయకుడిగా కొనసాగుతున్న రమేష్బాబు ప్రజలు, కార్యకర్తలకు అందుబాటులో ఉండే నాయకుడిగా గుర్తింపు పొందుతున్నారని ఆయన అభిమానులు చెబుతున్నారు. ఆప్యాయంగా పలకరించడం, సమస్యలను వినడం, అవసరమైన సమయంలో అండగా నిలవడం ద్వారా ప్రజలతో తన అనుబంధాన్ని మరింత బలోపేతం చేసుకుంటున్నారు. రాజకీయ పదవులు శాశ్వతం కాదని.. ప్రజలతో ఏర్పడిన అనుబంధమే శాశ్వతమనే భావనతో ముందుకు సాగుతున్న రమేష్బాబు తన రాజకీయ, వ్యవసాయ, వ్యాపార రంగాల్లో ప్రత్యేక ముద్ర వేస్తున్నారు. రైతులకు నేస్తంగా.. కార్యకర్తలకు అండగా.. ప్రజలకు అందుబాటులో ఉండే నాయకుడిగా ఆయన ప్రస్థానం కొనసాగుతోందని అభిమానులు, కార్యకర్తలు పేర్కొంటున్నారు.