మేడిపల్లి: 29 అక్టోబర్ (పొలిటికల్ పవర్ న్యూస్) ఉపేందర్ కూరెళ్ళ,మేడిపల్లి పోలీస్ స్టేషన్‌ పరిధిలో కాచవాని సింగారం, జయశంకర్ విగ్రహం సమీపంలోని నివాస ప్రాంతంలో ఎటువంటి భద్రతా చర్యలు పాటించకుండా భారీ మొత్తంలో టపాసులను నిల్వ ఉంచినట్లు విశ్వసనీయ సమాచారం మేరకు పోలీస్ సిబ్బంది మరియు ఇద్దరు సాక్షులతో కలిసి సంఘటనా స్థలానికి చేరుకుని తనిఖీలు నిర్వహించారు. ఈ తనిఖీలలో వివిధ రకాల టపాసులను ఎటువంటి భద్రతా ప్రమాణాలు పాటించకుండా నిల్వ ఉంచినట్లు గుర్తించారు.సుమారు 100 కిలోల టపాసులను, మొత్తం 58 పెట్టెలు మరియు ఇతర ప్యాకెట్లలో నిల్వ ఉంచినట్లు గుర్తించారు.
ఈ ఘటనకు సంబంధించి అక్కడ ఉన్న ఇద్దరు వ్యక్తులను గుర్తించి విచారించారు.ఏలగందుల స్వామి, తండ్రి వెంకటేష్, వయస్సు 31 సంవత్సరాలు, వృత్తి: బార్బర్, నివాసం: జయశంకర్ విగ్రహం సమీపంలో, కాచవాని సింగారం.జక్కుల శ్రీనివాస్ తండ్రి మల్లేష్, వయస్సు 36 సంవత్సరాలు, వృత్తి: డ్రైవర్, నివాసం: ఇంటి నం. C1/108, దేవేందర్ నగర్ కాలనీ, ఉప్పల్ వీరిద్దరూ తగిన భద్రతా చర్యలు తీసుకోకుండా టపాసులను నిల్వ ఉంచినట్లు విచారణలో వెల్లడైంది. దీంతో పంచ సాక్షుల సమక్షంలో పంచనామా నిర్వహించి, టపాసులను స్వాధీనం చేసుకున్నారు.
పై ఇద్దరినీ అదుపులోకి తీసుకుని, స్వాధీనం చేసుకున్న టపాసులను తదుపరి చట్టపరమైన చర్యల నిమిత్తం మేడిపల్లి పోలీస్ స్టేషన్‌కు తరలించారు.
సిఐ జలంధర్ రెడ్డి మాట్లాడుతూ
టపాసులను నివాస ప్రాంతాల్లో అనుమతులు లేకుండా నిల్వ ఉంచడం, భద్రతా ప్రమాణాలు పాటించకుండా బాణసంచాను నిల్వ చేయడం ప్రమాదకరం. అగ్నిప్రమాదాలు మరియు ప్రాణ, ఆస్తి నష్టాలను నివారించేందుకు సంబంధిత నిబంధనలు, భద్రతా ప్రమాణాలను తప్పనిసరిగా పాటించాలి. ఇలాంటి అక్రమ నిల్వలు లేదా ప్రమాదకర కార్యకలాపాల గురించి సమాచారం ఉంటే వెంటనే పోలీసులకు తెలియజేయాలి.