108 లీటర్ల పాలతో సాయిబాబాకు అభిషేకం.. వైభవంగా పల్లకి సేవ
పొలిటికల్ పవర్ తెలుగు జాతీయ దినపత్రిక తెలంగాణ స్టేట్ క్రైమ్ బ్యూరో మహేందర్ యాదవ్ మల్కాజ్గిరి: మల్కాజ్గిరి విష్ణుపురి కాలనీలోని ద్వారకామాయి ఆలయంలో గురుపౌర్ణమి మహోత్సవాలు బుధవారం అత్యంత వైభవంగా జరిగాయి. ఈ సందర్భంగా శ్రీ షిర్డీ సాయిబాబాకు ఆలయ ట్రస్ట్ సభ్యులు 108 లీటర్ల పాలతో శోభాయమానంగా పాలాభిషేకం నిర్వహించారు. అనంతరం స్వామివారికి ప్రత్యేక అలంకరణ, అర్చన పూజలు చేపట్టారు. మధ్యాహ్న హారతి అనంతరం భక్తులకు పెద్ద ఎత్తున అన్నప్రసాద వితరణ చేశారు. సాయంత్రం వేళ బాబావారి పల్లకి సేవను పురవీధుల్లో ఘనంగా నిర్వహించారు. ఈ వేడుకల్లో కాలనీవాసులు, సాయిభక్తులు విశేష సంఖ్యలో పాల్గొని బాబావారి దర్శనం చేసుకున్నారు.