మృతురాలి కుటుంబానికి ఎక్స్గ్రేషియా, కుటుంబంలో ఒకరికి ప్రభుత్వ ఉద్యోగం ఇవ్వాలి
ఘటనపై సమగ్ర దర్యాప్తు చేసి బాధ్యులపై కఠిన చర్యలు తీసుకోవాలి: ఎమ్మార్పీఎస్ జిల్లా ఇన్చార్జ్ రవి మాది
పొలిటికల్ పవర్ సమగ్ర జాతీయ తెలుగు దినపత్రిక పిఎన్9 తెలుగు న్యూస్ సెప్టెంబర్ 26 2026: మంద లక్ష్మీనారాయణ :/ భద్రాద్రి కొత్తగూడెం జిల్లా: జూలూరుపాడు మండలంలో వెంగనపాలెం గ్రామంలో ఇటీవల మృతి చెందిన 18 ఏళ్ల హరిణి కుటుంబాన్ని ఎమ్మార్పీఎస్ భద్రాద్రి కొత్తగూడెం జిల్లా బృందం పరామర్శించింది. కుటుంబ సభ్యులను కలిసి వారి పరిస్థితిని తెలుసుకుని, వారికి ధైర్యం చెప్పింది. ఈ సందర్భంగా మృతురాలి కుటుంబానికి ఎమ్మార్పీఎస్ తరఫున ప్రగాఢ సానుభూతిని తెలియజేశారు. ఈ ఘటనపై సమగ్ర దర్యాప్తు నిర్వహించి, హరిణి మృతికి కారణమైన వారెవరైనా ఉంటే వారిపై చట్ట ప్రకారం కఠిన చర్యలు తీసుకోవాలని ఎమ్మార్పీఎస్ జిల్లా ఇన్చార్జ్ ములకలపల్లి రవి మాదిగ డిమాండ్ చేశారు. హరిణిని ప్రేమ పేరుతో మోసం చేసి, ఒత్తిడికి గురిచేశారనే కుటుంబ సభ్యులు, స్థానికుల ఆరోపణల నేపథ్యంలో పోలీసులు అన్ని కోణాల్లో దర్యాప్తు చేయాలని ఆయన కోరారు. చదువులోనూ, ఇతర కార్యకలాపాల్లోనూ చురుగ్గా ఉండే హరిణి ఇలా మృతి చెందడం అత్యంత బాధాకరమని రవి మాదిగ అన్నారు. ఈ ఘటన వెనుక ఉన్న వాస్తవాలను పూర్తిస్థాయిలో వెలికితీసి, దోషులు ఎవరైనా వారిని చట్టపరంగా కఠినంగా శిక్షించాలని డిమాండ్ చేశారు.
ఎక్స్గ్రేషియా ఇవ్వాలి,
హరిణి కుటుంబం తీవ్ర విషాదంలో ఉన్నందున ప్రభుత్వం వెంటనే స్పందించి ఎక్స్గ్రేషియా అందించాలని ఎమ్మార్పీఎస్ డిమాండ్ చేసింది. అలాగే కుటుంబ ఆర్థిక పరిస్థితిని దృష్టిలో ఉంచుకుని బాధిత కుటుంబంలో ఒకరికి ప్రభుత్వ ఉద్యోగం కల్పించాలని కోరింది. కేవలం పరామర్శలకే పరిమితం కాకుండా ప్రభుత్వం బాధిత కుటుంబానికి తక్షణ ఆర్థిక, సామాజిక భరోసా కల్పించాలని రవి మాదిగ అన్నారు. కుటుంబానికి న్యాయం జరిగేలా ప్రభుత్వం, పోలీసు యంత్రాంగం సమన్వయంతో చర్యలు చేపట్టాలని విజ్ఞప్తి చేశారు.
న్యాయం జరిగే వరకు ఎమ్మార్పీఎస్ అండగా ఉంటుంది
హరిణి కుటుంబానికి న్యాయం జరిగే వరకు ఎమ్మార్పీఎస్ అండగా ఉంటుందని రవి మాదిగ హామీ ఇచ్చారు. ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ ఆదేశాల మేరకు బాధిత కుటుంబానికి న్యాయం జరిగేలా పోరాటాన్ని కొనసాగిస్తామని ఆయన స్పష్టం చేశారు.హరిణి కుటుంబ సభ్యులను పరామర్శించి వారికి ధైర్యం చెప్పిన ఎమ్మార్పీఎస్ జిల్లా బృందం, ఈ విషయంలో కుటుంబం ఒంటరిగా లేదని, న్యాయం కోసం అవసరమైన అన్ని ప్రజాస్వామ్య, చట్టపరమైన మార్గాల్లో తమ వంతు సహకారం అందిస్తామని తెలిపింది. హరిణి మృతి ఘటనపై నిష్పక్షపాతంగా దర్యాప్తు చేసి నిజానిజాలను ప్రజల ముందుకు తీసుకురావాలని, బాధ్యులుగా తేలిన వారిపై చట్ట ప్రకారం కఠిన చర్యలు తీసుకోవాలని ఎమ్మార్పీఎస్ నాయకులు ప్రభుత్వాన్ని కోరారు. బాధిత కుటుంబానికి న్యాయం జరిగే వరకు తమ పోరాటం కొనసాగుతుందని వారు స్పష్టం చేశారు. ఈ కార్యక్రమంలో పాల్గొన్నవారు. కొత్తపల్లి సోమయ్య జిల్లా గౌరవ అధ్యక్షులు, ఈసంపల్లి కృష్ణ జిల్లా సీనియర్ నాయకులు, చంగల గురునాథం, కొమ్ము హుస్సేన్, చాపలమడుగు వెంకటేశ్వరలు, మాదిగ మహిళా అధ్యక్షురాలు బోప్పి భాగ్య మాదిగ, మేకల లత ఎంఎంఎస్ రాష్ట్ర నాయకులు, సమ్మక్క ఎంఎంఎస్ రాష్ట్ర నాయకులు, నల్లగట్ల వెంకన్న, బోయిళ్ళ వెంకటేశ్వర్లు, గార్లపాటి కృష్ణ, బోయ జగన్నాధం, చిట్యాల రజిత, కొమ్ము హుస్సేన్, వంగూరి రామ్మూర్తి, కాకటి బాబు, కొలిక పోగు కాంతారావు, ఎమ్మార్పీఎస్ అధ్యక్షుడు దిబ్బందుల సాయికుమార్ , విసనపల్లి కళ్యాణ్ ఎం ఎస్ పి అధ్యక్షులు, తదితరులు కొప్పుల నాగమణి కొంచర్ల కుమారి, మంద నవీన, మరియమ్మ, ఈశ్వరయ్య, చన్నం రామ్మూర్తి, కత్తి బాలకృష్ణ, రాయల శ్రీహరి, రెడ్డి పోగు రవి, కోడిపక ప్రదీప్, ఈశ్వర్, చక్క రమేష్, ఇసుకల కొండయ్య, అమృత రావు , నారపోగు దేవేందర్, పాల్గొన్నారు…..