*పొలిటికల్ పవర్ సమగ్ర జాతీయ తెలుగు దినపత్రిక & పొలిటికల్ న్యూస్9 టీవీతెలుగు న్యూస్ తెలంగాణ ఆంధ్రప్రదేశ్ రాష్ట్రాల బ్యూరో ఇంచార్జి యర్ర నాగరాజు రెడ్డి*
ప్రొద్దుటూరు (రాజకీయ విభాగం):
ప్రొద్దుటూరు నియోజకవర్గ పరిధిలోని 27 మరియు 28వ వార్డులకు సంబంధించి స్థానిక రామేశ్వరంలోని మునిస్వామి దేవాలయం ప్రాంగణంలో వైయస్ఆర్ కాంగ్రెస్ పార్టీ కార్యకర్తలకు గుర్తింపు కార్డుల (ID Cards) పంపిణీ కార్యక్రమం ఘనంగా నిర్వహించారు.
ఈ కార్యక్రమానికి పార్టీ ముఖ్య నాయకులు పాతకోట బంగారు రెడ్డి మరియు పాతకోట వంశీధర్ రెడ్డి ముఖ్య అతిథులుగా హాజరయ్యారు. ఈ సందర్భంగా వారు నాయకులు, కార్యకర్తలతో కలిసి ఐడీ కార్డులను పంపిణీ చేశారు.
ఈ సందర్భంగా పాతకోట బంగారు రెడ్డి మాట్లాడుతూ… పార్టీ అభివృద్ధికి, ప్రజల సంక్షేమానికి నిరంతరం శ్రమిస్తున్న కార్యకర్తలే వైయస్ఆర్సీపీకి అసలైన బలమని కొనియాడారు. కార్యకర్తలను గుర్తించి వారికి తగిన ప్రాధాన్యత ఇవ్వడంలో భాగంగానే ఈ ఐడీ కార్డుల పంపిణీ కార్యక్రమాన్ని చేపట్టినట్లు తెలిపారు.
పాతకోట వంశీధర్ రెడ్డి మాట్లాడుతూ… వార్డు స్థాయిలో పార్టీ బలోపేతానికి ప్రతి ఒక్కరూ సమన్వయంతో పనిచేయాలని పిలుపునిచ్చారు. ప్రజా సమస్యల పరిష్కారంలో కార్యకర్తలు ముందుండాలని సూచించారు.
ఈ కార్యక్రమంలో 27, 28వ వార్డుల వైయస్ఆర్సీపీ నాయకులు, క్షేత్రస్థాయి కార్యకర్తలు, మహిళలు మరియు అభిమానులు పెద్ద సంఖ్యలో పాల్గొన్నారు.