పొలిటికల్ పవర్ సమగ్ర జాతీయ తెలుగు దీనపత్రిక / పిఎన్9 టీవీ తెలుగు న్యూస్ నంద్యాల జిల్లా నవంబర్ 14 2026: నంద్యాల జిల్లా లోకకల్యాణాన్ని కాంక్షిస్తూ శ్రీశైలం క్షేత్ర గ్రామదేవత శ్రీ అంకాళమ్మవారికి శుక్రవారం అభిషేకం, విశేష పూజలు వైభవంగా నిర్వహించారు. ప్రతి శుక్రవారం దేవస్థానం ఆధ్వర్యంలో సర్కారీ సేవగా ఈ పూజలు నిర్వహించడం ఆనవాయితీ. ఇందులో భాగంగా మహాగణపతి పూజతో కార్యక్రమాన్ని ప్రారంభించి, అర్చక స్వాములు లోకకల్యాణం కోసం సంకల్పం పఠించారు. అనంతరం అమ్మవారికి పంచామృతం, పసుపు, కుంకుమ, గంధం, పుష్పాలు, పవిత్ర జలాలతో అభిషేకం నిర్వహించి, విశేష అర్చనలు, కుంకుమార్చనలు, పుష్పాలంకరణ చేపట్టారు. శ్రీశైల ప్రధాన ఆలయానికి ఎదురుగా ఉన్న రహదారి చివర కుడివైపున ఉత్తరముఖంగా అంకాళమ్మవారి ఆలయం కొలువై ఉంది. ప్రకృతి శక్తికి ప్రతిరూపంగా పూజలందుకుంటున్న అమ్మవారిని భక్తులు విశేష భక్తిశ్రద్ధలతో ఆరాధిస్తారు. లోకమంతా సుఖశాంతులతో వర్ధిల్లాలని, ప్రజలకు ఆయురారోగ్యాలు, సిరిసంపదలు కలగాలని అర్చక స్వాములు ప్రత్యేక ప్రార్థనలు నిర్వహించారు.
శ్రీ అంకాళమ్మవారికి వైభవంగా విశేష పూజలు
