సంక్షేమ బోర్డును కాపాడుకునేందుకు పోరాడుదాం ఏఐటీయూసీ జిల్లా ప్రధాన కార్యదర్శి మోష

📰 Generate e-Paper Clip

పొలిటికల్ పవర్ సమగ్ర జాతీయ తెలుగు దినపత్రిక పిఎన్9 టీవీ న్యూస్ వనపర్తి జిల్లా బ్యూరో నవంబర్ 14. 2026.భవన నిర్మాణ కార్మికుల సంక్షేమ బోర్డును కాపాడుకునేందుకు కార్మికులు పోరాడాలని ఏఐటీయూసీ జిల్లా ప్రధాన కార్యదర్శి మోష పిలుపునిచ్చారు. శుక్రవారం కలెక్టర్ ఆఫీస్ వద్ద భవన నిర్మాణ సంఘం ఆధ్వర్యంలో ధర్నా నిర్వహించారు. లేబర్ ఆఫీసర్ రవికుమార్ కు వినతి పత్రం సమర్పించారు. ఈ సందర్భంగా మాట్లాడుతూ.. భవనిర్మాణ కార్మికుల సహజ, ప్రమాద మరణాలకు ఇన్సూరెన్స్ చెల్లింపులను ప్రైవేటు కంపెనీకి అప్పగించడంతో దుర్వినియోగం చేశారని కార్మిక శాఖ నేరుగా బాధితులకు ఇన్సూరెన్స్ అందించాలని డిమాండ్ చేశారు. డెత్ సహజ మరణాల ఇన్సూరెన్స్ ను ఇందిరమ్మ బీమా పథకం ద్వారా చెల్లించేందుకు ప్రభుత్వం చేస్తున్న ఆలోచన విరమించాలన్నారు‌. ఐటీసీ సెంటర్ల వారికి రక్త పరీక్షల పేరుతో కోట్ల రూపాయలు కట్టబెడుతున్నారని, అందువల్ల వెంటనే హెల్త్ టెస్టులను రద్దు చేయాలన్నారు. ఆధార్ అప్డేట్, పేర్లు సరి చేయటం, రెన్యూవల్ అప్డేట్ చేసే అధికారం ఏ ఎల్ వో కు లేకుండా రాష్ట్ర బోర్డు దగ్గర అట్టిపెట్టుకొని కార్మికులను ఆఫీసులో చుట్టూ తిప్పుకుంటూ తీవ్ర ఇబ్బందులకు గురి చేస్తున్నారన్నారు. ఖాళీగా ఉన్న ఏసీఎల్, డీసీఎల్ పోస్టులను వెంటనే భర్తీ చేయాలన్నారు. కార్మికుల అడ్డాల వద్ద షెల్టర్లు నిర్మాణం చేయాలని, హెల్త్ కార్డులు ఇవ్వాలని, 50 ఏళ్లు దాటిన ప్రతి కార్మికుడికి పింఛన్లు ఇవ్వాలని, సంక్షేమ బోర్డులో కార్మిక సంఘాల కు ప్రాతినిధ్యం కల్పించాలని డిమాండ్ చేశారు. ఏఐటీయూసీ జిల్లా సహాయ కార్యదర్శులు శ్రీరామ్, గోపాలకృష్ణ, భవన కార్మిక నిర్మాణ సంఘం జిల్లా అధ్యక్షుడు చిన్న కురుమన్న, సిపిఐ పట్టణ కార్యదర్శి రమేష్, భవన నిర్మాణ కార్మిక సంఘం నేతలు హుస్సేన్, పరశురాముడు, లక్ష్మన్న, కుమ్మరి శివుడు, వడ్డే భీమన్న, శ్రీనివాసులు, ఎర్రగుంట రాముడు, లక్ష్మీనారాయణ, మేస్త్రి సురేష్, ఎర్ర కురుమన్న తదితరులు పాల్గొన్నారు.