నంద్యాల జిల్లా శ్రీశైలం నవంబర్ 11(పొలిటికల్ పవర్ సమగ్ర జాతీయ తెలుగు దినపత్రిక పిఎన్9 టీవీ తెలుగు న్యూస్)
కార్తీకమాసోత్సవాల సందర్భంగా భక్తుల సౌకర్యార్థం నవంబరు 10 నుండి డిసెంబరు 9 వరకు దేవస్థానం ఉచిత బస్సు సదుపాయం కల్పించినట్లు ధర్మకర్తల మండలి అధ్యక్షులు శ్రీ పోతుగుంట రమేష్‌నాయుడు మరియు కార్యనిర్వహణాధికారి శ్రీ యం. శ్రీనివాసరావు తెలిపారు.
ఈ సందర్భంగా వారు మాట్లాడుతూ పాతాళగంగ మెట్లమార్గం నుంచి నందిసర్కిల్, గంగాధర మండపం, ఉచిత క్యూలైన్ మీదుగా లడ్డూ కౌంటర్ల వరకు ఈ బస్సులు నడుపుతున్నట్లు తెలిపారు.
ఉదయం గం. 5.00ల నుంచి రాత్రి గం. 9.00ల వరకు ఈ బస్సులు అందుబాటులో ఉంటాయని, భక్తులు ఈ అవకాశాన్ని సద్వినియోగం చేసుకోవలసినదిగా వారు తెలిపారు.