గృహనిర్మాణ సంస్థ చైర్మన్ పీవీ గౌతమ్‌ను కలిసిన జారె ఆదినారాయణ
పొలిటికల్ పవర్,అశ్వారావుపేట ఆర్సి ఇంచార్జ్, ఎం. నాగార్జున,నవంబర్ 3: అశ్వారావుపేట నియోజకవర్గంలో ఇందిరమ్మ ఇళ్ల నిర్మాణాలు పూర్తి చేసుకున్న లబ్ధిదారులకు పెండింగ్‌లో ఉన్న తుది బిల్లులను త్వరితగతిన విడుదల చేయాలని ఎమ్మెల్యే జారె ఆదినారాయణ కోరార
ఈ మేరకు మంగళవారం హైదరాబాద్‌లోని సచివాలయంలో రాష్ట్ర గృహనిర్మాణ సంస్థ చైర్మన్ పీవీ గౌతమ్‌ను ఆయన ఛాంబర్‌లో ఎమ్మెల్యే మర్యాదపూర్వకంగా కలిశారు. ఈ సందర్భంగా నియోజకవర్గంలో మొదటి విడతలో మంజూరైన ఇందిరమ్మ ఇళ్ల నిర్మాణాల పురోగతిపై చర్చించారు.
ఇళ్ల నిర్మాణాలు పూర్తి చేసుకున్న లబ్ధిదారులకు తుది బిల్లులు అందకపోవడంతో ఎదురవుతున్న ఇబ్బందులను చైర్మన్ దృష్టికి తీసుకెళ్లారు. అలాగే పథకం అమలులో లబ్ధిదారులు ఎదుర్కొంటున్న సమస్యలు, పెండింగ్ బిల్లుల చెల్లింపులపై వివరించి, అర్హులైన పేదలకు ఎలాంటి ఇబ్బందులు కలగకుండా అవసరమైన చర్యలు తీసుకోవాలని విజ్ఞప్తి చేశారు.